Mappa del Sito
Home Page
Inizio Pagina
Pagina Precedente
       

Dopo cuasi cuarànta àni ‘l è stat restauràt ‘l altaròl de ‘l crist de San Tomè. ‘L altaròl ‘l era stat fat da Giovanni Bastianello Codif te i àni de i primi restauri de la glesiùta, i ‘l aveva metùt propio sora l’ultima curva prima de la glesia in modo che chi che rivava lassù i se lo ciatàva subito davanti.’L altaròl ‘l era fat de ciastegnèr come chei che i usa te’l Trentìn ma el crist ‘l era in corda, dopo tanti àins a le intenperie el lenĉ ‘l aveva tacàt a marthisse, alora ‘l è stat pensàt de intervigne prima che la situathión la pegioràss.
’L è stat giavàt da unlì e portàt a sistemà da ‘l nostre conpaesàn Rafaele Momoleti, ma cuan che ‘l à tacàt a remenàlo se à capìt che ormai par lui no  ‘l era pì nient da fa, le intenperie le aveva fat ‘l so lavoro: ‘l era marth; suito ‘l è stat clamàt i nevòdi de Giovanni e lor i à deciso de tornalo a fa come prima. Adess ‘l capitel ‘l è tornàt al so posto bel come la prima volta e da là el continua a vardà chi che passa e chi che va a scalà su ‘l crep de San Tomè.
Se ringràthia duth chei che i à da ‘na man, in te ‘n modo o ‘l'altro, pa tornàlo a portà come cuarànta àni fa in modo particolàr: le nevode, Giani Zambon Rosìt, Rafaele Zambon Momoleti, Gigi Basso e Angelo Donzelli.

       
 
       
       
       





























































































Loading