Mappa del Sito
Home Page
Inizio Pagina
Pagina Precedente
       
Áncia stò àn, al vèndre sant, l’è stat fàt la procesiòn de la Via Crucis , ormai come tradithiòn da un pòci de àni, da cùan che al plevàn a l’à doe parochie, la vìn fata partendo da la glesia de un dei doi paesi, stò an i à tociàt a Budoia. La processiòn se thèrca da fala passà par pì vie possibili, pà contentà un poĉ duth, ma purtropo cualchedùna l’à dà restà fora; son vignùdi sù pà la via Longia, l’è stat traversàt la Pedemontana, (l’era i carabinieri che i dirigèva el trafico) e, sempre co la vigilessa davanti al duth sòn vignùdi su pà la via Brait, via Tarabin e dopo dò pà la via S.Tomè fin in glesia. Ogni stathiòn l’era preparàda da chei che i stà lì intòr, e l’era una diferente da le altre; bel veramente bel, vedareit da le foto, e pà le strade e i balcons l’era dùt un ciàro, lumins grains e pithùi i feva un gran lustre! La dhent l’era tanta, ància i dovìns i ‘n era tains, la sera l’era tiepida, le varie rathiòns l’è stade liedùde dai dovìns e dal plevan e l’è stat ància preàt in inglese, parchè l’era ància diversi amighi mericans. La dhent la portava in man ciandèle, torce, lumins, e duth i preàva e ciantàva co devothiòn. Pensèit che da tanta dhent che l’era, no duta la podùt stà in glesia, e tains i è restath fora ‘ntel sagràt! L’àn che vìn la Via Crucis la partirà da la glesia de Dardaĉ e fin da adès speròn che sea ‘na bela serada e che la dhent la sea tanta e che la prèe, come al vendre sant passàt! Saludi a duth.
       
       
       














































































Loading