Mappa del Sito
Home Page
Inizio Pagina
Pagina Precedente
       
Dardaĉ ‘là ‘l Plevan nof:
Prima de dut permeteit che ringrathiòn e mandòn un gran saludo al passàt plevan, don Adel Nasr pa’ i ani che ‘l à passàt in mieth a nealtre; dopo de che dòn un gran binvignùt a don Maurissio Busetti ‘caporal’. Dopo sessantaoto ani a Dardaĉ avòn un plevàn dardaghese, infati don Romano Zambon , mort ‘ntel 1942, l’era stat l’unico e l’ultin plevàn de origin dardaghese. Don Maurissio, pur essèndo nassùt a Milan, ‘l è dardaghese , come che se diss uncuoi ‘doc’ difati so pare ‘l era Severino Busetti’caporal’ e so mare ‘l è Pia Zambon ‘petol’. Col so ingresso uficiàl ‘l è deventàt ‘l 36° Plevan de la antica Pieve de Santa Maria Magior de Dardaĉ, ‘ntel contenp ‘l è ancia deventàt paroco de Santa Luthia e de Budhoia. La cerimonia de ingresso ufficial ‘l è stada fata a Budhoia ‘l dì 9 otobre, a Santa Luthia come a Dardaĉ, co’ ‘l sonà de le cianpane, ‘l è entat al dì dopo, tra l’altro, a Dardaĉ, ‘l era ancia la ricorentha de la dedicathion de la glesia.( pa’ la precisiòn al thentovintisettesimo). Don Maurissio ‘l è stat ordinàt prete al dì 30 de luio del 1978, cà a Dardaĉ, dal vescovo Abramo Freschi, dopo ‘l è stat vicario de la parochia de S. Andrea a Port e ‘nte la parochia de Dazzan Decimo. Dal 1987 ‘l è stat paroco de San Martin de Canpagna e dal 1996 ancia de Sedran. De seguito publicòn l’elenco de i plevans che i se à sucedùt dal 1285 a uncuoi e le foto de le cerimonie de ingresso, che se à svolgiùt a Budhoia, Santa Luthia e Dardaĉ.
       
       
       
       




















































































































































































































Loading