Mappa del Sito
Home Page
Inizio Pagina
Pagina Precedente
       
In sti dis, no me pense se l’ era el doi ol tre o el quatro ,mi ere un canai,l’è l’anniversario de l’alluvion.Duti i sa chel che le sucedut la par Venethia e pa Firense,avon visto tante volte che le”immagini”che la television la ne à mostrat co duta che l’aga e dut chel fango che la fat dei malans che,dopo ese pasadi quaranta ani,anciamò therte robe non son riusidi a sistemà. Mi me pense de sta gran ploia,na ploia che me nono el diseva: alè ani che no se veit na ploia cusì.L’era scur, ma noi visin l’Artugna quan che senton rivà l’aga,l’e na roba pi forte de noi, avon da di a vedela.Dai, el me dis me nono,don a vede la montana ,sta volta la da ese proprio granda. Don do pal troi,con na piluta in man che la feva pi scur che ciaro,quan che son sote la metà me nono,che el me tigniva par man,el dis:tornon su che l’aga le alta. El di dopo,col ciaro, la montana l’era da na banda a l’altra, duta l’ Artugna,(arcia chela che noi clamon negra parchè le ani che l’aga no la pasa) l’era plena.Na roba mai vista, dut el paese el vigniva in tal’ort de pinal”Sergio” pa vedela, na roba che me pensarai sempre, la grandetha el rumor e come che la coreva. Proveit a pensà l’Artugna da banda a banda,plena duta, sta aga che la và in do e chei che i è in do i se la ciapa duta.Noi al momento no se pensava tant a Venethia o a Firense ma se diseva: na montana cusì granda la fa pura a duti e duta sta aga na che la riva la farà malans, e ne vigeva in ment la lapide* che l’è  su de la crosera del Crist. Chista dopo quaranta ani le la me storia su l’alluvion.
    Gigi