Mappa del Sito
Home Page
Inizio Pagina
Pagina Precedente
       
Dopo tant avèli nominàdi, finalmente i è tacàdi, son drio parlà del nof loto de lavori de restauro, in glesia, la nostra glesia de Dardaĉ. Sta volta  l’è interesàt al sofito e i afreschi sora al coro, fin ai cornisòns, no pì in do!  Intant l’è  stada cosolidàda,  da la banda esterna , cioè par de sòra, la cupola che tin su l’afresco del la Madona Sunta, aveit da savè che l’è duta fata co tole e scorthe de ciastegner, e che pa conservala, l’è stada tratàda co dei impregnanti e ‘na rete fina de plastica de fer tignuda ferma co dela ràsa. Dopo vignarà netàt e restauràt ancia duti chei bei rosons piçiadi sul sofìto e i cuatro santh , Martin, Tomè, Luthia e Andrea,  che i è pituradi ai ciantòns de l’ afresco, in ultima vignarà ancia consolidàth i murs co dele iniethiòns  de material spethial. L’altar co le statue dela Sunta e dei santh Luthia e Andrea; al vòle di Signor e dut che che lè sote i cornisòns, stando a cuant che là dita al plevan, al vignarà restaurat in un altre momento, speròn bin, parchè se vegnès restauràda a la svelta la statua de la Sunta se podaràve partala in procesiòn al cuindese de avòst, come che i feva i nostre pares  fin a thincùanta ani fa. Segur che vardando da vissìn, e da de sora l’impalcadura, l’altar Maior, al meritaràve proprio ‘na bela netàda e restaurada, al lenĉ dele statue l’è sclentenàt e incarolìt,  i colors dele colone e dei murs i è duti sbiadith,  i è pleni de cialìn del fun dele çiandèle e i è ancìa pleni de polvere.  I lavori  i dovaràve finì verso i primi de mài. Intant podeit vardà le fotografie fate da vissìn dei afreschi, dei rosòns, dela cupola sora al coro  e dele impalcadure; ve tignaròn informàth su come che va avanti i lavori e dopo,  metaròn ancìa  le foto de cùan che i sarà finith.  
Se vedòn……
+