Se reàne lasàth disendo che ve tigneàne informath sui lavori che i vin fath in glesia, avòn da dive che i và avanti pulido e abastantha svelti, come che podareìt vede dale fotografie che avòn fat, ma avòn da dive ància ‘n altra roba,  propio in te stì dìs l’è vignùt fora ‘na novità. Come che  aveàne scrit, l’è ’na soventhiòn regional, che la cuèrth al thincùanta par thènto de la spesa,  data  pa  fa i lavori de consolidamento e restauro de la cupola, dei afreschi, e del sofito del coro, no pì in dò del cornisòn interno de la glesia. Ades l’è stat pensàt e l’è stat decidùt, a cùant che l’à dita al plevan, dal momento che l’è impalcadura, e che un domàn a fàin un'altra al costaràve tanti pì schei, de restaurà duth i murs ància sòte del cornisòn! Però restarave fora dùt l’altar, che al dovarave vigne restauràt in un altro momento, cùan che la regiòn la darà altri schei de soventhiòn.  Ma l’è un altro però, par spesa del restauro che al vin fat in pì, l’è stat domandàt ‘n altro contributo che la region anciamò no l’à deliberàt,  al rest sarà  dut a cargo  de la comunità, in altre parole la metà de la spesa avòn da paiasèla neàltre! Da banda l’è un pòci de schei, ma no i basta, alora àncià nealtre da stò sito fòn un apèlo, che l’è chel de invidà duth i dardaghesi, che i sea a Dardaĉ o che i sea via, de dà, drio la vòia e le posibilità, un contributo pa podè fa fronte a stò debito che l’à al scopo de rende sempre pì bela e magnifica la nostra glesia! Se cualchedùn al volès savè calcòssade pì, al pòl domandalio al plevan. Se vedòn…  !!!