Dopo trenta e passa ani a l’è stada sistemada l’abside de San Tomé, la nostra vecia glesia, chela dei nostre avi (no veci ma de pì).     L’abside l’à avut problemi col temp, co la neif, co la ploia, in pì Val de Croda a l’è un posto no tant al sol, i lo veit poc, cusì el cuert el se à marthit .
Son dudi su un po’ de dent e in doi sabi avon sistemat dut quant. L’è stade giavade dute le tole e ancia i traf veci e … sote l’è stat ciatat un nit co doe lentis bele longe che quan che le ne à vedut no le saveva dove sciampà: l’è stade ciapade e trate tel prat, disendui: - Ca su dopo no vigneit pì!   Le tole l’è stade cambiade, i cops sote i è stadi metudi nofs, a l’è stat fat un bel lavoro.
Intant che un poci de nealtre i sistemava l’abside, chei altre i taiava dei pins secs e dei bars de nosegler pa dai aria e sol a la glesia, ma in sti doi dis no avon lavorat e basta, ma avon fat ancia de le bele marende e, in compagnia, a l’è la meio roba.

Gigi Basso