Dopo àni che l’era sparìt, che nol vigneva pì fàt, finalmente l’è tornàt el nostre vecio presepio, chel che  el feva ‘na volta Vidio , insieme ai canais del paese, in te la sagrestia verso mont ( adès l’è stàt fat  ‘na capèla) velo penseo? Al ciapava dut l spathio da mur a mur, restava altre che al spathio vethìn la porta pà di drento, e pa mete un banco pa chi che voleva vardà o  preà. L’era fàt dut de lisp ciatàt dai canàis, l’aveva parfin la musica de un carion e ancia l’aga che la coreva pa fa vede un rui. Le statue le era grande cuasi  65 centimetri, l’era de gès, fate in te i àni ’40, se le vedeva cussì grande e bele ancia parchè nealtre reane nini! Le se aveva un poc rovinàt col passà dei àni e no le vigneva pì metude fora, par fortuna l’àn passat cualchedùn l’à pensat da fale restaurà e cussì l’è tornade come nove a risplende in te la nostra bela glesia! Ve le fòn vede una par una, cussì podeìt vardale e amirà al bel restauro fàt!